Versione desktop / mobile

POESIA SU BORDIGHERA: U RISVEIU BURDIGOTU

Statistiche
     
 

U RISVEIU BURDIGOTU

 
     
     
 

U Risveiu lo che l'è ?

ve i digu mì se permetèi …

l'è in grupetu de gente

che de meiu nu ghe n'è.

U s'è costitüiu in sucietà

dièi püre lo che ve paresce

ma nu permetu, u giüru

de parlàne mà.

Meritèndu tanta cunsiderasiun

perchè l'è gente che

a se dà da fà sulu

pe sarvà a vecia tradisiun.

Me piaije tantu u so statütu

l'acèta dau sud e dau nord

dòne, òmi, zuveni o veci

cuscì … in pò de tütu

Basta che a voia a sece tanta

cù vui ghe po vegnì

tantu u fio de scora

cume qelu de ani novanta.

Tütu pe u bèn da nòscia Burdighea

se sèi da bòna gente

purèi vegnì magàra …

da Turin, Ancùna o Maratea,

nu conta se sèi de Milan

sèi acetài listéssu

ve ciaméssi aiscì Cunceta

Carmelu, Ampé o Bastiàn.

Cose conta l'è sulu andà d'acordiu

e lascià au futüru,

pe vui e pe nui tüti

in gran bèl aregòrdu

De tantu in tantu alestèi de cunsursi

e cuscì i fioi i se demùra

disegnèndu casete, bateli

e magàra scìmie e ursi.

Pe lolì ghe vo du tempu

«Risveiu » tü ti u sai,

alù m'arèmbu a tü

e fàme in pò cuntentu …

Posciu? te digu e te u ripetu

ti fai de cose bèle

però m'aracumandu …

nu t'ascurdà u dialetu !

MARIO ARMANDO