POESIA SU BORDIGHERA: U BIU

U BIU

Ti partivi da u surgentin

e ti curevi pulitu e spediu

da seira a matin

in tu mesu ae mimose,  parmure e firagni de viju.

 Da tua aiga tuti i se ne serviva,

chi pe aigà l'ortu, chi u giardin,

o l'erburu d'auriva,

e caicun anche pe alungà u vin.

Fin au lavatoiu ti arivavi,

de modu che e done che i l'andava a lavà

l'aiga in cae i pureva risparmià.

Nui fijoi se serveimu de tu pe giugae

ghe faimu e curse in cù e barchette 

fin a l'ura deriturnà a cae;

andaimu sciù e giù, pe cure derè ae sepe

i cuntrulà che in ta cursa i compagni i nu ne freghese.

In cù u pasà di ani

l'omu u t'ha distrutu,

i t'han cuvertu, ti sei sporcu, decrepitu e....sciutu,

e gardandute cume a modernità a t'ha ridotu

pensu a chela aiga pulita e bela e au tò servisiu

e se ti permeti me ven in mente a mia zuventù

che cume a tu a nun riturnerà mai ciù.

ANTONIO  PIGNATTA