Versione desktop / mobile

RACCONTO SU BORDIGHERA: SANT'AMPEIU

Statistiche
     
 

 

SANT'AMPEIU

 

De vote pensu tra mi e mi. Ma cume mai Sant'Ampeiu , da l'Egitu u l'è vegnuu a astracase in se i nosci schoei. E alura sempre tra de mi me digu. Forse u Segnù che gia u saixeva de següru cu sareva diventua in santu e cù  gh'avereva dedicau tüta a vita u l'averà pensau. Anche su paserà tüta a vita in t'ina crota e u l'averà pe ciumasu ina pria, famulu aumancu vive in te un di posti cieù beli au mundu. In postu duve in omu cume elu atentu a tütu chelu cu l'aveva d'inturnu, u l'avereva pusciüu in tu poco tempu che u l'aveva de liberu da u soi mestè de ferà e de chelu che ciü de tüti u l'impegnava de fa du ben a i autri, godisè a belesa cu l'aveva d'inturnu. U puixeva viè ogni giurnu a magnificiensa du Segnù, viendu u su nasce da a marina e meoire a seira sempre in ta stesa marina, sulu isandu i oi da u so travaiu e senza mancu interumpe e sue preghiere, u l'avereva pusciüu vè a belesa da marina carma e aighe ciaire  e a seira a serenà cun tute e sue stele. O forxi u Segnù u la fau astracà  in se i nosci schoi pe musciaghe tuta a soi forsa, a soi putensa infinia, candu sciuscia chelu ventu de punente e  frante gianche e se ven già da l'urizunte, e candu e ariva a fin, a picà in ti schoi e sembra corpi de masa picai da in gigante. Ma nu credu che u Segnù u vurese musciaghe l'ò perché Sant'Ampeiu a putensa du Segnù u a cunusceva già de segeuru. Ma pensu invece a belesa cu l'averà vistu muntandu in tu paise veciu, ai prufumi cu l'averà sentiu e pensu au ben cu l'averà fau a Burdighea e a i burdigoti e alura sercamu in tu nosciu pecin vistu che u Segnù u na daitu a furtüna de nascighe  o de vivighe, de vureghe anche nui nui ben a noscia Burdigheae ancu de cieù au nosciu Sant'Ampeiu.

 SCROI  - persa ina lenga persu in populu