Versione desktop / mobile

RACCONTO SU BORDIGHERA: I NOSCI MORTI

Statistiche
     
 

 

I NOSCI MORTI

 

Ina vota u simiteriu u l'eira in tu paize autu, da veixin a l'uratoriu de San Bertumè. In tu 1870, candu i aministraui de Burdighea d'alura i han decisu, de scangià de postu au simiteriu, pe chestiui de spasiu e de igiene, i nu l'avereva mai pensau che sensa vurè, i l'andava a mete i nosci morti in tin cuxì belu postu. Sci perchè se andamu a viè, i han mesu i nosci cari chi nu ghe sun ciü, in tin posto cu sareva pöi stau visitau e pintürau da grandi persunagi. I l'han mesu, suta u ciü belu parmeu cu l'esisteva a cheli tempi, suta u biu, üna de ciü bele pasegiate scia de alura che ancun anchc'öi, de fronte a chelu cu sareva diventau pe tantu tempu u ciü belu giardin de Burdighea. E nun sulu: stu postu de paixe u l'eira de fronte au Muntenegru ... e da veixin a riana du Sciasciu. Posti chi i sareva stai pintürài da tanti grandi artisti. E ancura da veixin a spiagia de l'Arzia, duve i pescaui, i ghe tirava i bateli, i ghe cuixiva e rè, dopo avere stese au su a sciügà; duve i nosci veci i g'aveva magari in tocu de ortu e duve a gente a ghe pasava a pei e e done, sempre de l'Arzia, prima che i ghe fese u lavatoiu i g'andava a fà a bigà. Avu ghe andamu tüti in cun l'autumobile e sempre asciamai. In tempu, de seghüru anche ai morti i ghe dedicava in pò ciü de tempu e de recatu, sercamu de riturnà in pò indaré. Nu l'è ditu che tütu chelu che l'è pasau sece stau ciü brütu… lasciamu l'autumobile a cà e caramughe a pei, in Arzia, fin au çimiteriu… famu su tocu de strada a pei, magari diendu in requiem pei i nosci morti e gardanduse in pò d'aturnu, gudenduse chelu che ancun a noxia Burdighea a ne regala de belu in cun i soi paesagi….

SCROI  - persa ina lenga persu in populu -