Versione desktop / mobile

RACCONTO SU BORDIGHERA: IN MIRACULU...

Statistiche
     
 

 

IN MIRACULU....

 

In paizan cu se ne carava a pei a Burdighea pe andà pe de soi incumbense, stancu da u tantu caminà u s'eira asetau suta in'auriva pe arepouzase in pò, e mangiase in morsu de pan bagnau, che sa muiè inseme a ina butia de chelu bon a g'aixeva mesu in ta cavagneora, ma savei cume a l'è dopu avè mangiau magara de strangurun, e aveghene dau due gurae se nu tre a u muru ghe vegneu u becheuiun, e suta sa auriva au frescu e te g'ha fau in belu picarestu ... Ma hai me mì ... in tu sonu ghe paresceva cume de stegne e alura ancura in cun i eoi cieughi u lansa ina man au colu e u sente che u ga teuteu inturnu ingheoiau ina cosa mola e lepegusa, che a stregneva pe acapise ina bisciasa ... e sensa staghe tantu a pensà, anche perchè de sciau u nu n'aixeva ascaixi cieù ... u prega cusxì " Sant'Ampeiu se ti me levi sa bestiasa che a me stegne dau colu, te imprumetu che te porteron pe teuta a vita ogni anu in sacu de gran de chelu fin " u nu l'aixeva ancura feniu de fa sa imprumesa che a bisciasa a s eira già, sciusciandu cume se caicheun u a pichese in cun i bastun infirà in te in ruveà pocu distante. U paizan u nu s'è scurdau e u l'ha mantegneu a prumesa e fin cu l'è scampau teuti i ani u giurnu de Sant'Ampeiu u l'ha purtau in ta soi geixeta in sachetu de gran de chelu cieù fin ...

SCROI  - persa ina lenga persu in populu -