MAGIU

Magiu s'è recampau!

Ae cose inte l'aureglia ina parola duce

cian cian u l'à sciusciau

e e bestie e l'erba e e stele in reu de cuntentessa

in giru i te gh'an fau.

Sciu prestu, sciu tuti,

de sciure e de fruti

du mese seren

garmimuse in sen,

a alè!

à Marina e intu Paise

alè

balamu cantamu!

cume tutu loche vive

u magiu festamu!

Mgiu s'è recampau!

Surve u cuscin de pria du nosciu Paire Ampegliu

cian cia u s'è pousau

e già drent'u Paise, cuntentu e bon cumpagnu

u Santu u n'è arivau!

Sciu prestu, sciu tuti,

de sciure e di fruti

du mese seren

garmimuse in sen,

e alè!

strenti in giru au nosciu Santu

balamu cantamu!

cume tutu loche vive

u magiu festamu!

FILIPPO ROSTAN