E CAMPANE DU MEI PAIZE

Son nasciüu in tu paize veciu

in te ün di tanti carugi veixin a geixa.

Da a ciasa du Populu, se ti gardi in autu

ti vei in grosu campanin in cu catru campane.

In te grandi ucaxiui dui campanai

i faixeva a gara a chi sunava meiu. 

A Natale, Pasca, San Piertro e Sant'Ampeiu

se bataiava in grande, e i paisenghi

i scumeteva chi l'eira u campanà.

Ün u se ciamava Ampè de Chiarina

l'autru Spagarin e in cun due corde in man

a e catru campane

i ghe fava sunà ... anche a marcia reale.

A ciasa a l'eira sempre afulà

de veci burdigoti ( nu tanti pe a verità )

che i ciaciarava du ciüù e du menu ...

Sun pasai tanti ani e burdigoti avù ghe né ... sempre menu. 

A ciasa a l'è vöia e a ögni angulu

ti trövi da mangià ... ma burdigotu

nu ti senti ciüù parlà. 

I dui campanai i sun morti 

e in cu eli  u l'è mortu u campanin

in cun e sue campane ...

PIERINO MUSOLESI