NUN SULU SCHOI DE MARINA....

In tempu ma tantu tempu inderè ... candu in ti noxi boschi ghe viveva tüte e bestie che u Segnù u l'à mandau in  tera, anche in tu  boscu de Muntenegru gh'eira in belu po' de muvimentu, e tüti i soi abitanti i duxieva dase d'inturnu pe recampase caicoza da mete in ta pansa, perchè a fame al'eira già brüta fin da cheli tempi. E in belu ursu mascciu che u l'aixeva apena finiu i cumabatimenti in cun i autri mascci pe difendise u teritoriu e atruvase ina cumpagna u l'eira ciüù afamau du solito ... e nazüsa de chi garda de là ... u te vè in belu becu cun di corni lunghi tantu, de barbixi longhi ancun de ciüù ... eu dixe tra de elu sachì de seghüru le a mei sena, e prima u se ghe mete a andà derè  cianin cianin, e maniman cu se ghe aveixina u se mete a caminà  sempre ciüù  spediu ... ma u becu che a si giögheti u gh'eira già abitüau, perchè i eira giögheti che pe ulu i vuxieva di sarvase  a pele, dopo aveseru lasciau in po' aveixinà u l'à cumensau a alungà u pasu, ma mancu ciüu de tantu, ma sercandu però de nu caminà pe i sbreghi che lasciava e autre bestie ... na ... na ... sareva staitu tropu facile pe l'urso andaghe derè, elu u sercava u teren ciüù brütu e cu fuse ben cien de schöi da pureghe ben sautà da ün a l'autru, sensa mancu tucà de teren, e cun su andamentu e se purtau a spasu l'ursu pen in belu po', candu pöi u l'ha vistu cu l'eira belu sçiupau, e anche elu u nu n'aveva ciüù testa, u sé sercau u schöiu ciù autu che gh'eira d'inturnu u ghè muntau in sima in cun in belu sautu cume sulu i bechi i san fa, e de l'ì belu tranchile u se gudüu u spetaculu de l'ursu, che oramai sçiupau cume ina mera, dopu avè pruvau in pa de vote, sensa cunvinsiun de agantaru u se ne girau inderè e in cun a cua in tu mezu de gambe e a pansa vöia,  u se ne andau a sercà caiche autru bucun in po' ciüù  facile da arecampàse cume sena. Da sa vota l'ì ... su schöiu ancura adesu, da cheli chi van pe si boschi u l'è ciamau  "U Schöiu Du Becu " ....

SCROI  - persa ina lenga persu in populu -