A......BALENA

A seira du 10 nuvembre du 1944, sci nu staive a fretà o oii propriu du 1844 a Burdighea, se sente aa campane sunà, l'eira u veciu campanà Beduffa cu ghe dava a tuta forsa. Tuta a gente du paize, omi e done i saveva che candu Beduffa u picava cusci forte gh'eira da andà a viè in mantinente cose fuse suciesu, e done i han ciamau subitu i marii pe fali andà, anche se l'aira chela seira de nuvembre a l'eira già fresca, tuti i sesun alestii e i se sun andai in ciasa. A nutisia l'eira sa chi.....da vreus punente in ta marina gh'eira ina macia scura che vegneva versu teren....e subitu tuti i han pensau a in batelu cu se fuse sciavirau e alura besognava fa aviau pe purtà agiuti ai naufraghi se ghe ne fuse stau de besognu, ma poi cheli ciù esperti chi eira già muntai fi in se a sima du cian du zerò i han fau savè che nu se tratava de in batelu sciavirau ma d'in grosu pesciu, e che pesciu....ina balena. U giueno dopi, candu ormai tuti i eira seguri che su pesciasu u fuse ben mortu, se arecampau gente da tute e parti in se l'asa pe vieru. Subitu u l'è stau mesurau e e l'eira longu 22 metri e mezu, u l'aveva ina buca larga trei metri e incavà catru. E pine i eira larghe catru metri e mezu e a cua atrei e in sa testa a l'aveva in sgarbu prufundu da dove a ghe sgusciava l'aiga in autu. Pe mangià se grose balene i fan sciorte da a buca ina spece de rea pe pià di pesci ciù pecin, e ben a rea de sa balena li a l'eira longa sei metri, larga trei e l'eira recuverta de in duru ispidu e spesu sei centimetri e se pensava che tuta inseme a pesase centusintanca chintali..... Sciubitu tuti i Burdigoti i se sun dai da fà campando u diriuu d eprimi ucupanti e dopu avera taià a tochi e mesa a buie in te grose cldaie i n'an tirau fora scuscanta chintali de oriu, che tuti d'acordio, inseme au scheletru poi i han decisu de regalà a Parochio. ma chi adesu vegne u belu perchè certi persunagi de Ventemia, tramite u Regiu tribunale de Sanremu e a Prefetura i campava de diriti anche eli in se l'oriu e anche in se u scheletru da balena, fandu quindi sequestrà tutu. A Parochio nu avendu i mezi pe fà ina causa pe u disequestru a decide de rimete tutu in te mae d'in Padrun cume au tempu se ciamava cheli che adesu ciameremu imprendituri, che u l'aveva già mesu a dispuzisiun tuta l'atresatura pe fà l'oriu in scangiu de in pò de sodi e u scheletru che a Geixa a l'aveva decisu de regalà a u Re. Ma tantu che u Padrun u l'andava avanti in cun a lite cin i Vinitimiuzi l'oriu in te buti u diminuiva, in pò perchè u tempu u pasava e l'oriu u ne se vendeva, in pò perchè ghe n'eria talmente tantu che s'eira recampau tute e buti che s'eira atruvau e de cheeli nu l'è che fuse tantu stagne e candu le vegnùu u mumentu de vende u livelu u l'eira già carau de ciùu d'in belu parmu. Nu parlamu poi candu le stau u mumentu de vendiru su oriu. Sembra che in te certi bari che fuse de tutu menu che l'oriu e che ghe galegase se strane cose drente e che u nu fuse bon, tantu u spusava, pe unze e furme de furmagiu. Se vè che già a cheli tempi gh'eira cheli chi frusava in se a roba da mangià. Ma intantu a decisiun a l'eira arivà dae autorità. L'oriu u duveva andà mesu a catedrale de Ventemia e mezu a Parochia de Burdighea e u scheletru dopu ese stau purtau a Sanremu e ricumpostu da in farmacista e l'eira stau spediu a u museo de Turin duve u gh'è ancura adesu. Cuscì tantu i han fau i Vintimiuzi che sensa fa ren i se sun recampai mezu oriu da balena e i Burdigoti anche se cun u muru longo i se l'han doua culà anche sa vota, ma i Vintiniuzi nun ancura cuntenti i cuiunava i nsotri antenai e i ghe cantava......

E se vuremu ese sinceri i fava anche ben: i nu aveva fau ren e i se son piai mezu de tutu!!!! Ma i Burdigoti de remandu i ghe dieva che eli i nun avea ina marina da balene che a Ventemia se ghe astracava giustu caiche gianchetu se i ghe a fava a falu vegne a teren in cun a luixe. Chi fenisce a storia da balena ma nu de seguru i muri tra Burdigoti e Ventimiuzi....

SCROI  - persa ina lenga persu in populu -